ANG TATLONG SEKTOR NG EKONOMIYA

P A A N O    N A T I N   I T O   PA H A H A L A G A H A N   A T   P A U U N L A R I N ?

   Ang ekonomiya ng isang bansa ay sumisimbolo kung ano ang estados nito. Sa tingin niyo ba, ang Pilipinas ay masasabi na isang maunlad na bansa? May mga sektor na nakapaloob sa ekonomiya na kung saan ay nakakatulong sa pag-unlad ng bansa.

(∩^o^)⊃━☆゜.* ゜・ :*･°．:*･°。

   Ang unang sektor ng ekonomiya ay ang sektor ng agrikultura. Ang agrikultura ay isang agham at sining na may kinalaman sa pagpaparami ng mga hayop at mga tanim o halaman.

  Ang sektor ng agrikultura ay may apat na subsectors:

1. Pagsasaka/ paghahalaman
2. Paghahayupan/ pagmamanukan
3. Pangingisda
4. Paggugubat/ pangangahoy

   Ang sektor ng agrikultura ay may malaking gampanin sa pagpapaunlad ng bansa. Ito ay mahalaga dahil dito nagmumula ang mga hilaw na materyal na pinakikinabangan ng industriya. Sila rin ang tagabili ng mga produkto ng industriya. Maraming mamamayan ang naagkakaroon ng hanabuhay sa tulong ng mga gawain ng agrikultura. Ngunit may mga suliraning humahadlang sa pag-unlad ng sektor. Ano-ano nga ba ito at paano ito masosolusyonan? Ito ang mga ilan:

• Mababang presyo ng produktong agrikultura

   Dapat isagawa ang tamang pagtatakda ng presyo sa mga produktong agrikultural.

• Kakulangan ng sapat na imprastuktura at puhunan

 Maaaring magpagpapatayo ng imbakan, irigasyon, tulay at kalsada at paghahanap ng mga investors.

• Pagdagsa ng dayuhang produkto

    Dapat pinaghihigpitan na ang pagpasok ng mga dayuhang produktong agrikultural na pumapasok sa bansa.

• Kakulangan sa implmentasyon ng mga programang pansakahan

    Tunay na pagpapatupad ng reporma sa lupa ang solusyon dito. Ito ang ilang mga reporma na napatupad ng dating mga pangulo na nakatulong sa mga magsasaka:

1. Batas Republika Blg. 6389 (Agrarian Reform Code) ni Ferdinand Marcos - Nagpapatibay sa posisyon ng mga magsasaka at pinapalawak ang sakop ng reporma agraryo.
   
2. Batas Repblika Blg. 1400 (Land Reform Act 
   ng 1955) ni Ramon Magsaysay - May
   responsibilidad  sa pagkuha at pamamahagi ng malalawak na lupain na pinagtaniman para sa kabuhayan.
   
3. Batas Republika Blg. 3844 (Agricultural Land Reform Code) ni Carlos Garcia - Ayon sa batas na ito, ang mga nagbubungkal ng lupa ay itinuturing natunay na may-ari ng lupa.
   
4. Batas Republika Blg. 6657 (Comprehensive Agrarian Reform Law o CARL) ni Corazon Aquino - Ayon dito, ang lahat ng pampubliko at pampribadong lupaing agrikultural, anuman ang tanim ay ipapamahagi sa mga magsasakang walang lupa.
   
5. Batas Republika Blg. 8435 (Agriculture and Fisheries Modernization Act o AFMA) ni Pangulong Fidel Ramos
    Naglalayon na paunlarin ang subsectors  na pangingisda.

• Kakulangan sa makabagong kagamitan at teknolihiya

    Maaring magbigay ng impormasyon at turuan ang mga magsasaka ukol sa paggamit ng mga makabagong teknolohiya.

_________________________

 Pumunta naman tayo sa sumunod na sekto. Ang pangalawang sektor ng ekonomiya ay ang sektor ng industriya. Kapag sinabing industriyalisasyon, ito ay tumutukoy sa kalagayan ng isang ekonomiya na nagpapakita ng kapasidad at kakayahan ng isang bansa na makalikha ng maraming produkto mula sa mga hilaw na materyales na tutugon sa mga pangangailangan ng lokal at pandaidigang pamilihan. Tulad ng agrikultura, ito ay ay mga subsectors: 

1. Pagmimina
2. Konstruksyon
3. Pagmamanupaktura
4. Elektrisidad at gas

  Mahalaga ito dahil ito ay may kontribusyon ng dolyar sa ekonomiya, nagbibigay-hanapbuhay sa mga Pilipino, dito prinoproseso ang paggawa ng hilaw a materyales at at dito nanggagaling ang ga suplay ng yaring produkto na magagamt natin sa pang-araw-araw na pamumuhay. 
  
   May mga suliranin ring hinaharap ang sektor ng industriya. Narito ang ilan at mga solusyon:

• Hindi angkop na proyekto ng pamahalaan

   Maraming proyekto ang ipinapatupad ng pamahalaan ngunit hindi ito napapakinabangan ng industriya kaya nasasayang lang ang pondo na ginagamit. Dapat binigyang prayoridad sa pangangailangan ng industriya ang gawin ng pamahalaan.

• Kakulangan ng supporta at proteksyon ng pamahalaan

   Kailang magpatupad ng batas ang pamahalaan ukol sa proteksyon.

• Pagpasok ng mga dayuhang kompanya

   Maaaring hikayatin ang mga dayuhang kompanya na hindi kakompetensya ng lokal na industriya.

• Pagiging Import Dependent ng mga Industriya

   Ang mga dolyar na natatanggap ng industriya galing sa page-export ng mga produkto ay ginagamit rin sa pambili ng dayuhang produkto. Ang pagbuwag ng import liberalization ng pamahalaan ang maaaring solusyon dito.

• Kawalan ng sapat na puhunan

   Tulad sa agrikultura, kulang rin sa puhunan ang industriya. Dapat ipinagkakaloob ang pagpapautang sa mga lokal na negosyo.

_________________________

 Ang huling sektor ng ekonomiya ay ang sektor ng paglilingkod. Dito pumapasok ang pagbibigay ng iba't ibang serbisyo sa mga negosyo at mga konsyumer. Ang mga bumubuo sa sektor ng paglilingkod ay pananalapi, insurance, komersyo, real state, kalakalang pakyawan, kalakalang pagtitingi, transportasyon, pag-iimbak, at komunikasyon.

  Ang ilan sa mga suliranin ng paglilingkod ay ang mga sumusunod:

• Kakulangan sa kasanayan ng manggagawa

   Maaaring humingi ng tulong sa DOLE para ito ang huhubog sa kakayahan ng manggagawa.

• Brain Drain

   May mga trabahador sa bansa na may kakayahan ang lumilipat sa ibang bansa dahil sa maaaring mas malaki ang sweldo. Ito ay nagdudulot ng pagbaba ng economic rate. Ang maaaring gawin ay maglunsad ng taas pasahod upang mahikayat ang mga manggagawa na magtrabaho dito sa Pilipinas.

• Mabagal ng pag-unlad ng turismo

   Magsagawa ng advertisement. Paglinang ng mga tourism hubs sa pamamagitan ng pagpapabuti sa mga paliparan, daungan at mga daanan.

• Kontraktuwalisasyon

      May mga manggagawa na hindi nakakakuha ng benepisyo. Madali ring mawalan ng trabaho ang mga tao. Isang solusyon na ginawa ng ating pangulo na si Pangulong Duterte, pinagbawal niya na ang kontraktuwalisasyon.

• Kakulangan sa trabaho

   Pagpapaunlad ng industriya at agrikultura ang maaring paraan dahil nakakatulong ito sa pagbibigay ng trabaho para sa mga unemployed. Malaki rin ang tulong nito sa ekonomiya ng bansa.

_________________________

 Ang bawat sektor ay may mahalagang ginagampanan sa ating ekonomiya. Mas maganda kung mas pauunlarin natin at pabubutihin dahil malaki ang mabibigay na tulong nito sa ating bansa. Sa pamamagitan ng pagbibigay aksyon sa mga suliranin ng bawat sektor, nagbibigay ito ng kontribusyon sa pag-unlad.

sanggunian:

https://www.youtube.com/watch?v=gtHBzwYpU1M

https://www.slideshare.net/DanPauloAmado/sektor-ng-agrikultura-11798195 

https://www.slideshare.net/GesaMayMargaretteTuz/sektor-ng-paglilingkod